रौतहट । विशेष अदालतले मेयर गोपाल राय यादवलाई ३ वर्ष कैद र १५ लाख रुपैयाँ जरिवाना गरेको छ।
रौतहटको फतुवा विजयपुरको मेयर गोपाल राय यादवले लाल बकैया नदीको उत्खनन सम्बन्धी ठेक्का रद्ध गरेर नगरपालिकालाई हानी नोक्सानी पुर्याएको ठहर गर्दै विशेष अदालतले ३ वर्ष कैद र १५ लाख रुपैयाँ जरिवाना गरेको हो ।
बुधबार विशेष अदालतले मेयर यादवलाई कसुर ठहर्याएपछि सजाय सुनाएको थियो । उनीविरुद्ध २०७९ सालमा विशेष अदालतमा मुद्दा दायर भएको थियो ।
अख्तियार दुरुपयोग अनुसन्धान आयोगले १८ जना जनप्रतिनिधिसहित २१ जनालाई प्रतिवादी बनाएकोमा मेयर यादव मात्र दोषी ठहर भएका थिए ।
लालबकैयाको ठेक्का प्रचलित ऐन, कानुन तथा नियम विपरीत रद्द भएको अख्तियारको ठहर रहेको थियो।
प्रकाशित मिति : २५ आश्विन २०८०, बिहिबार ८ : २९ बजे
प्रतिक्रिया