काठमाडौं । इजरायली सेनाका प्रवक्ता लेफ्टिनेन्ट कर्नल जोनाथन कन्रिकसले गाजा पट्टीका दृश्यहरू हेर्न धेरै गाह्रो हुने बताएका छन् ।
लेफ्टिनेन्ट कर्नल कन्रिकसले एक भिडियो वक्तव्यमा भनेका छन्, “हामीले ठूलो क्षति बेहोर्नुपरेको छ, तर यसले हामीलाई रोक्न सक्दैन र यसले हाम्रो संकल्पलाई कमजोर बनाउँदैन। यो लडाई जारी रहनेछ र गाजा पट्टीका दृश्यहरू हेर्न धेरै गाह्रो हुनेछ।”
इजरायल र गाजामा बढ्दो मृत्युको संख्याको बीचमा इजरायली सेनाले “लडाई तीव्र हुने” चेतावनी दिएको छ।
इजरायली सेनाले मङ्गलबार राति गाजाका २०० वटा लक्ष्यमा आक्रमण गरेको जनाएको छ । हालसम्मका तथ्याङ्क अनुसार इजरायलमा १२ सय र गाजामा ९ सय जनाको ज्यान गएको छ ।
१२ वर्षपछी यस्तो तीव्र आक्रमण भएको मानवअधिकारकर्मीहरू बताउँछन्।
इजरायली सेनाको तीब्र आक्रमणका कारण गाजा क्षेत्रको कुनै पनि ठाउँ सुरक्षित छैन।
प्रकाशित मिति : २४ आश्विन २०८०, बुधबार ४ : १८ बजे
प्रतिक्रिया