काठमाडौं । कीर्तिमानी नेपाली आरोही तेन्जेन लामा हिम पहिरोमा परेर बेपत्ता भएका छन् । उनी चीनको सिसापाङ्मा हिमाल आरोहण गर्ने क्रममा हिमपहिरोमा परेका हुन् ।
शनिबार दिउँसो ७ हजार ६ सय मिटरमाथि गएको हिमपहिरोमा उनी परेका हुन् । हिमपहिरोमा परेर एक नेपाली र एक अमेरिकी आरोहीको भने मृत्यु भइसकेको छ । उनीहरूको शव फेला परेको छ ।
तेन्जेनसँगै एक जना अमेरिकी आरोही पनि बेपत्ता भएकी छन्।
तेन्जेनले गत साउनमा ९२ दिनमै विश्वका अग्ला १४ शिखरको आरोहण गरेर कीर्तिमान बनाएका थिए।
प्रकाशित मिति : २१ आश्विन २०८०, आइतबार ३ : २४ बजे
प्रतिक्रिया