बाँके – नेपालगञ्जमा लगाइएको कर्फ्यु र निषेधाज्ञा क्रमशः खुकुलो बनाउन थालिएको छ ।
खासगरी धार्मिक समूह बीचको हिंसात्मक झडप पछि स्थानीय प्रशासनले नेपालगञ्ज नगर क्षेत्रमा कर्फ्यु आदेश जारी गरी प्रहरी र सेना परिचालन गरेको थियो ।
तर सर्वपक्षीय सहमति पछि प्रशासनले हिजैदेखि दिउँसोको कर्फ्यु हटाएको थियो ।
आज पनि प्रशासनले दिउँसोका लागि नगर क्षेत्रमा निषेधाज्ञा मात्र जारी गरेको छ । पाच जनाभन्दा बढी व्यक्ति एकसाथ हिँडडुल गर्न, पर्चा पम्पलेट टाँस्न प्रतिबन्ध लगाईएको छ । तर राति ८ बजेदेखि भोलि अर्थात शनिबार बिहान ६ बजेसम्म कर्फ्यु आदेश जारी गरिएको छ ।
निरन्तर अनुगमन र स्थानीय भद्रभलादमी तथा संस्थाहरूको पहलका कारण नगर क्षेत्रमा बिहीबार अपेक्षा भन्दा बढी नै शान्त वातावरण देखिएको थियो ।
प्रकाशित मिति : १९ आश्विन २०८०, शुक्रबार ७ : २७ बजे
प्रतिक्रिया