गुल्मी । रेसुङ्गा विमानस्थलबाट उडान हुने गुल्मी-काठमाडौंको समय तालिका परिवर्तन गरिएको छ। नेपाल वायु सेवा निगम (नेपाल एयरलाइन्स) ले गुल्मीबाट प्रत्येक हप्ताको मङ्गलवार र शुक्रवार रेसुङ्गाबाट उडान भर्दै आएको थियो।
मङ्गलबार यात्रुको संख्यामा कमी आएपछि उडानको समय तालिका नै परिवर्तन गरिएको बताइएको छ।
अबदेखि रेसुङ्गा विमानस्थलबाट विमानले हप्ताको बुधबार र शुक्रबार उडान गर्ने छ। एयरलाइन्सले पछिल्लो समय सरकारले भ्याट लगाएसँगै भाडादर वृद्धि समेत गरेको हो। जसमा नयाँ भाडादरअनुसार रेसुङ्गादेखि काठमाडौं ७ हजार ८० रुपैयाँ र काठमाडौंदेखि रेसुङ्गा ७ हजार २ सय ८० रुपैयाँ एयरलाइन्सले भाडादर कायम गरेको छ।
निगमको १८ सिट क्षमताको जहाजले हप्ताको प्रत्येक बुधबार बिहान साढे ६ बजे काठमाडौंबाट रेसुङ्गा र बिहान साढे ७ बजे रेसुङ्गाबाट काठमाडौँका लागि उडान गर्ने गरी समय निर्धारण गरेको छ। निगमको १८ सिट क्षमताको जहाजले उडान गरिरहेको छ। नेपाल नागरिक उड्डयन प्राधिकरणले निगमलाई बुधबार र शुक्रबार उडान गर्न अनुमति समेत दिएको छ।
प्रकाशित मिति : १३ आश्विन २०८०, शनिबार ११ : ०१ बजे
प्रतिक्रिया