काठमाडौं । कार्यवाहक प्रधानमन्त्री तथा पूर्णबहादुर खड्काले गृहमन्त्री नारायणकाजी श्रेष्ठले सरकारको तर्फबाट शिक्षकहरुसँग वार्ता गर्ने बताएका छन् ।
बिहिबार कांग्रेस केन्द्रीय समितिको बैठकमा शिक्षक आन्दोलनबारे ब्रिफिङ गर्दै उनले प्रधानमन्त्री पुष्पकमल दाहाल ‘प्रचण्ड’सँग छलफल गरेर गृहमन्त्रीलाई जिम्मेवारी दिएको बताए ।
कार्यवाहक प्रधानमन्त्री खड्काले शिक्षकहरुसँग दोस्रो चरणको वार्ता आजै बेलुका हुने बताएका छन् । उनले वार्तामा अहिलेको अर्थतन्त्रमा थप भार नपर्ने गरी सबै माग पूरा गर्ने गरी छलफल हुने बताए ।
शिक्षा नियमावलीमा राख्नुपर्ने बाँकी विषय छलफल र वार्ता गरेर टुंग्याउने र सरकारले गरेको सहमति कार्यान्वयन गरेरै छाड्ने उनको भनाइ छ ।
प्रकाशित मिति : ४ आश्विन २०८०, बिहिबार ५ : ५३ बजे
प्रतिक्रिया