काठमाडाैँ । ‘भेल्लु बाजे’ नामले सामाजिक सञ्जालमा भाइरल बनेका प्युठानका मीनबहादुर बुढामगरलाई पत्नीशोक परेको छ ।
भारतको नयाँ दिल्लीस्थित अल इण्डिया इन्स्टिच्युट अफ मेडिकल साइन्सेस (एम्स) मा उपचारका क्रममा उनकी श्रीमती ५९ वर्षीया बिस्ना बुढाको निधन भएको हो ।
उनी लामो समयदेखि बाथ रोग र मिर्गौलासम्बन्धी समस्याबाट पीडित थिइन् । पूरै जिउ सुन्निएर हिँडडुल गर्नै गाह्राे भएपछि उनलाई १५ दिन जिल्ला अस्पताल प्युठानमा राखेर उपचार गरिएकाे थियाे । त्यहाँबाट तीन महिनाअघि उनलाई थप उपचारका लागि दिल्ली पुर्याइएको थियो ।
मृतकको दिल्लीमै अन्त्यष्टि गरिएको पारिवारिक स्रोतले जनाएको छ ।
प्रकाशित मिति : २६ भाद्र २०८०, मंगलबार ३ : ११ बजे
प्रतिक्रिया