काठमाडौं । त्रिभुवन अन्तर्राष्ट्रिय विमानस्थल बाहिरबाट बरामद गरिएको तस्करीको ६० किलो ७ सय १६ ग्राम सुन प्रकरणमा पक्राउ परेका चिनियाँ नागरिकसँग पनि नेपाली नागरिकता रहेको पाइएको छ ।
प्रहरीको केन्द्रीय अनुसन्धान ब्यूरो (सीआईबी) को हिरासतमा रहेका चिनियाँ नागरिक याओ पुचेङ्ग उर्फ ‘एलेक्स’ को साथमा पनि नेपाली नागरिकता भेटिएको हो ।
एलेक्सको साथबाट प्रहरीले भारतीय आधारकार्ड पनि बरामद गरेको थियो । एलेक्सले पनि जिल्ला प्रशासन कार्यालय काभ्रेपलाञ्चोकबाट नागरिकता लिएको भेटिएको छ ।
एलेक्ससँगै सुन तस्करीमा संलग्न आरोपमा पक्राउ गरिएका ५ जनाको साथमा नेपाली नागरिकता भेटिएको छ ।
अर्का तस्कर तिब्बतियन मुलका बेल्जियन नागरिक दावा छिरिङले निमा तामाङको नाममा जिल्ला प्रशासन कार्यालय काभ्रेपलाञ्चोकबाट नागरिकता लिएको यसअघि नै पुष्टि भइसकेको छ ।
प्रकाशित मिति : १५ भाद्र २०८०, शुक्रबार ३ : १० बजे
प्रतिक्रिया