नदीको बहाव बढेपछि म्यान्मामा १८ हजारभन्दा बढी विस्थापित

याङ्गुन – म्यान्माको दक्षिणी केइन राज्यमा नदीको बहाव खतराको चिन्ह नाघेपछि १८ हजार भन्दा बढी मानिसलाई सुरक्षित स्थानमा सारिएको छ । 

केइन राज्यका छवटा टाउनशिपहरूमा बाढीले खतरा उत्पन्न गरेपछि सुरक्षित आश्रयस्थलहरू स्थापना गरिदैछ,"  केइन राज्य सरकारका प्रवक्ता यू साउ खिन माउङ मिन्टलाई उद्धृत गर्दै  सञ्चार माध्यमले उल्लेख गरेका छन्।

थानल्विन नदी सहित केइन राज्यका विभिन्न नदीहरूमा जल सतह बढेको छ भने केइन राज्यको राजधानी हपा-आन र मोन राज्यको राजधानी मावलामाइन जोड्ने प्रमुख सडकका केही भाग डुबानमा परेका छन् ।  

यसबाहेक याङ्गुन र मावलामाइन बीचका केही रेल मार्गहरू मङ्गलबार बागो र मावलामाइन बीचको रेलवे ट्र्याकहरूको खण्डहरूमा बाढीको कारण डुबानमा पारेका छन् ।

देशको मौसम विज्ञान तथा जलविज्ञान विभागले बुधबार दिउँसो  यहाँका छवटा नदीमा खतराको स्तर नाघेको जनाएको छ ।
बागो क्षेत्रको मडौक शहर र बागो टाउनसिप, केइन राज्यको  ह्पान टाउनसिप र काचिन राज्यको मोगाउङ टाउनसिपमा नदी किनार वा तल्लो क्षेत्रका बासिन्दाहरूलाई सम्भावित बाढीको जोखिमबाट सतर्क रहन मौसम विभागले चेतावनी पनि जारी गरेको छ।

बागो निवासी को आय ह्लाले बिहीबार सिन्ह्वालाई  प्रत्येक वर्ष  बाढीको अनुभव गरे पनि यस वर्षको डुबान लगभग तीन वर्षयताकै सबैभन्दा ठूलो बएको बताएका छन् । "मेरो घरको भुइँ तल्ला हाल डुबेको छ।"

बागोका तल्लो क्षेत्रका केही बासिन्दाहरूलाई उच्च क्षेत्रहरूको खोजी गर्दै गुम्बा र आश्रयहरूमा सारिएको पनि उनले बताएका छन् ।

रासस-सिन्ह्वा

प्रकाशित मिति : २६ श्रावण २०८०, शुक्रबार  ३ : ३२ बजे