काठमाडौँ – सरकारले पेट्रोल, डिजेल र मट्टीतेलको मूल्य बढाएको छ ।
नेपाल आयल निगमले मंगलबार राति १२ बजेबाट लागू हुने गरी पेट्रोल, डिजेल र मट्टीतेलको भाउ बढाएको र ग्यासको मूल्य घटाएको हो।
निगमले आज एक विज्ञप्ति जारी गर्दै पेट्रोल प्रति लिटर ९ रूपैयाँ र डिजेल तथा मट्टीतेलमा प्रति लिटर ७ रूपैयाँ बढाएको जानकारी दिएको छ। निगमले खाना पकाउने ग्यासको मूल्य प्रति सिलिन्डर १३० रूपैयाँ घटाएको छ।
निगमका अनुसार भारतीय आयल कर्पोरेसन (आइओसी) ले पेट्रोलमा प्रतिलिटर आठ रूपैयाँ १४ पैसा र डिजेलमा ६ रूपैयाँ ८६ पैसा बढाएर नयाँ मूल्य सूची पठाएको छ भने ग्यासमा प्रतिसिलिन्डर ११७ रूपैयाँ ६२ पैसा घटाएर पठाएको छ।
प्रकाशित मिति : १६ श्रावण २०८०, मंगलबार ९ : ०५ बजे
प्रतिक्रिया