काठमाडौँ । नेकपा एमालेका महासचिव शङ्कर पोखरलेले देशमा धेरै दल आवश्यक नरहेको बताउनुभएको छ ।
रामेछापमा पार्टीले आयोजना गरेको नेकपाका संस्थापक महासचिव पुष्पलाल श्रेष्ठको ४५औँ स्मृति दिवसमा कार्यक्रममा उहाँले देश विकासमा लागि बलियो राजनीतिक शक्ति बनाउन आवश्यक रहेको बताउनुभयो ।
‘देशमा धेरै दल आवश्यक छैन । जति धेरै राजनीति दल त्यति नै अस्थिरता, जति धेरै राजनीतिक दल त्यति विदेशी चलखेल । त्यसैले बलियो राजनीतिक शक्ति बनाऊ, धेरै दल बनाउन तिर नलागौँ ।’, महासचिव पोखरेलले भन्नुभयो ।
अहिले भएका दललाई बलिया बनाउनुपर्ने उल्लेख गर्नुहुँदै उहाँले एमालेले मात्रै देशको सङ्कट पार लगाउन सक्ने बताउनुभयो ।
महासचिव पोखरेलले बिपीले काँग्रेस एक्लै निरङ्कुशता विरुद्ध लड्न चाहेको भए पनि पुष्पलालले संयुक्त आन्दोलन गरौँ भनेको उल्लेख गर्नुहुँदै पुष्पलालकै नीतिमा काँग्रेस पुगेको र संयुक्त जनआन्दोलनको माध्यमबाट पञ्चायतको अन्त्य भएको बताउनुभयो ।
प्रकाशित मिति : ७ श्रावण २०८०, आइतबार ११ : ३६ बजे
प्रतिक्रिया