राष्ट्रियसभाको बैठक भोलिसम्मका लागि स्थगित

काठमाडौँ । राष्ट्रियसभाको बैठक सरेको छ  । 

सङ्घीय संसद् भवन, नयाँ वानेश्वरमा बस्न लागेको राष्ट्रियसभाको बैठक भोलि मङ्गलवार बिहान ११ः०० बजेसम्मका लागि सरेको हो ।

सङ्घीय संसद् सचिवालयले सार्वजनिक गरेको कार्यसूची अनुसार शुक्रवारको बैठकमा विनियोजन विधेयक २०८० माथि मन्त्रालयगत रूपमा छलफल हुने तय गरिएको थियो । 

जसअनुसार आजको बैठकमा स्वास्थ्य तथा जनसङ्ख्या मन्त्रालय, सञ्चार तथा सूचना प्रविधि मन्त्रालय, परराष्ट्र मन्त्रालय, ऊर्जा मन्त्रालय, जलस्रोत तथा सिँचाई मन्त्रालय, खानेपानी मन्त्रालय, अर्थ मन्त्रालय, श्रम रोजगार तथा सामाजिक सुरक्षा मन्त्रालय,  शिक्षा, विज्ञान तथा प्रविधि मन्त्रालय, कानुन, न्याय तथा संसदीय मामिला मन्त्रालय र कृषि तथा पशुपन्छी विकास मन्त्रालय माथिको बजेट माथि छलफल हुँदै थियो । 

साथै, गृह मन्त्रालय, रक्षा मन्त्रालय, राष्ट्रपतिको कार्यालय, उपराष्ट्रपतिको कार्यालय, प्रधानमन्त्री तथा मन्त्रिपरिषद्को कार्यालय र राष्ट्रिय योजना आयोगको सचिवालय माथि छुटाईएको बजेट माथि पनि छलफल हुने भन्दै सम्भावित कार्यसूची पनि सार्वजनिक गरिएको थियो ।

प्रकाशित मिति : २५ असार २०८०, सोमबार  १० : ०९ बजे