क्यालिफोर्निया । अमेरिकाको क्यालिफोर्नियामा आँधीका कारण मृत्यु हुनेको सङ्ख्या १७ पुगेको छ ।
आँधीपछिको वर्षाबाट बाढी र पहिरो गएको र ठुलो भौतिक संरचनामा क्षति पुगेको जनाइएको छ । बाढीले सडक भत्किएका र पोलहरू ढलेका छन् ।
आँधीबाट दक्षिणी क्षेत्र सबैभन्दा बढी प्रभावित छ ।
त्यहाँबाट हजारौँ मानिसलाई उद्धार गरेर अन्यत्रै लगिएको छ । आँधी अरू केही दिनसम्म रहन सक्ने भन्दै यहाँको राज्य सरकारले सावधानी दर्साएको छ ।
सन् २०१८ को जनवरीमा आएको आँधीमा कम्तीमा २३ जनाको मृत्यु भएको थियो ।
प्रकाशित मिति : ३० पुस २०७९, शनिबार ७ : ४९ बजे
प्रतिक्रिया