कोलम्बो । श्रीलङ्काका राष्ट्रपतिले देश छाड्नुभएको छ ।
श्रीलङ्काको आर्थिक सङ्कटलाई लिएर व्यापक प्रदर्शन भइरहेका बेला राष्ट्रपति गोटाबाया राजापाक्षे आज बिहान सेनाको एउटा विमानमा चढेर देश छोड्नुभएको हो ।
७३ वर्षीय गोटाबाय स्थानीय समयअनुसार बिहान ३ बजे मालदिभ्सको राजधानी माले पुग्नुभएको बिबिसीले जनाएको छ । उहाँसँगै पत्नी र एक जना गार्ड पनि सँगै रहेको बताइएको छ ।
राजपाक्षेको प्रस्थानले श्रीलङ्कामा दशकौँसम्म शासन गर्ने पारिवारिक वंशको अन्त्य गरेको छ । शनिवार उहाँको निवासमा भीडले आक्रमण गरेपछि उहाँ लुकेर बस्नुभएको थियो ।
राष्ट्रपतिले यसअघि १३ जुलाई अर्थात् आज राजीनामा दिने वाचा गर्नुभएको थियो। उहाँका भाइ पूर्व अर्थमन्त्री बसिल राजापाक्षेले पनि देश छोड्नुभएको बिबिसीले जनाएको छ । उहाँ अमेरिका जाँदै गरेको बताइएको छ ।
राष्ट्रपति भागेपछि केही प्रदर्शनकारीले खुसीयाली मनाएका छन् ।एजेन्सी
प्रकाशित मिति : २९ असार २०७९, बुधबार १० : १७ बजे
प्रतिक्रिया