काठमाडौँ। सुनको मूल्य प्रतितोला रु.६ सयले घटेर रु ९८ हजारमा कारोबार भएको छ ।
नेपाल सुनचाँदी व्यवसायी महासङ्घका अनुसार आज छापावाल सुनको मूल्य तोलाको ९८ हजार कायम भएको छ । बिहीबार सुन तोलाको ९८ हजार छ सय रुपैयाँमा कारोबार भएको थियो ।
त्यस्तै, तेजाबी सुनको मूल्य आज तोलाको ९७ हजार पाँच सय रुपैयाँ निर्धारण भएको छ । बिहीबार तेजाबी सुनको मूल्य प्रतितोला रु ९८ हजार १०० मा कारोबार भएको थियो।
त्यसैगरी, चाँदीको मूल्य पनि तोलामा २५ रुपैयाँले घटेको छ । बिहीबार एक हजार तीन सय पाँच रुपैयाँमा कारोबार भएको चाँदी आज एक हजार दुई सय ८० रुपैयाँमा निर्धारण भएको छ ।
प्रकाशित मिति : २३ बैशाख २०७९, शुक्रबार ११ : ४९ बजे
प्रतिक्रिया