काठमाडौँ । आगामी माघ ८ गते हुने प्रदेश अधिवेशनको तयारीका बारेमा छलफल गर्न नेकपा एमाले प्रदेश कमिटीको बैठक बस्दै छ ।
केन्द्रीय कार्यालयको परिपत्रअनुसार पुस २३ गतेको जिल्ला अधिवेशन र माघ ८ गतेको प्रदेश अधिवेशनको तयारीका बारेमा छलफल गर्न कर्णाली प्रदेश कमिटीको बैठक बस्न लागेको हो ।
आजको बैठकले प्रदेश कमिटीको अधिवेशनका लागि मुल आयोजक समिति गठन गर्नेछ भने पुस २३ गते भित्र गर्नुपर्ने जिल्ला अधिवेशनका लागि आवश्यक निर्णय लिने केन्द्रीय सदस्य विष्णु रिजालले जानकारी दिनुभयो ।
एमालेको हालै बसेको दोस्रो केन्द्रीय समिति बैठकले पुस २३ गते जिल्ला र माघ८ गते प्रदेश अधिवेशन गर्न निर्देशन दिएको थियो ।
प्रकाशित मिति : ४ पुस २०७८, आइतबार १२ : ११ बजे
प्रतिक्रिया