वीरगंज । पर्साको सखुवाप्रसौनी गाउँपालिका वडा नम्बर २ रामभौरीभाठामा पाटे बाघ मृत अवस्थामा फेला परेको छ । दिपनारायण आर्दश स्कुलको ३०० मिटर पूर्व खाली खेतमा बाघ मृत अवस्थामा भेटिएको इलाका प्रहरी कार्यालय पटेर्वासुगौलीका प्रहरी निरिक्षक रामराजा केसरीले जानकारी दिनुभयो ।
आज बिहान खेतमा बाघ मृत अवस्थामा भेटिएपछि स्थानीयले प्रहरीलाई खबर गरेका थिए । घटनाको जानकारी पाएलगत्तै प्रहरी चौकी रंगपुर टाँडी, इलाका प्रहरी कार्यालय एकटाङ्गको टोली र वन कार्यालयको टोली घटनास्थलमा पुगेर मृत भेटिएको बाघको थप अनुसन्धान गई रहेको छ ।
प्रकाशित मिति : १९ फाल्गुन २०८०, शनिबार ५ : ५५ बजे
प्रतिक्रिया