उदयपुरको त्रियुगामा सिंगो गाउँनै एमालेमा समाहित

उदयपुर । उदयपुरको त्रियुगा नगरपालिका वडा नम्बर ७ तिलबारीको सिंगो गाउँनै नेकपा (एमाले)मा समाहित भएको छ ।

शुक्रबार एक कार्यक्रमकाबीच स्थानीय सन्तोष लुङेली मगरको नेतृत्वमा सिंगो गाउँ समुदायहरु नेकपा (माओवादी केन्द्र) र नेकपा (एकीकृत समाजवादी) पार्टी परित्याग गरी एमालेमा प्रवेश गरेका हुन् ।

एमाले उदयपुरका अध्यक्ष प्रमेश्वर घिमिरे, त्रियुगा नगरपालिकाका उपप्रमुख महेश्वरी राईको उपस्थितीमा तिलबारी गाउँका २५ घरपरिवार एमालेमा प्रवेश गरेका हुन् ।

एमाले प्रवेश गर्नेहरुमा चेतबहादुर लुङेली मगर, तिलकबहादुर राना मगर, खिम कुमारी मगर, पुर्ण बलम्पाकी, धनबहादुर खड्का, लेखबहादुर खुलाल, तिलक बुर्जा मगर, लालबहादुर परियारलगायत रहेको अध्यक्ष प्रमेश्वर घिमिरेले जानकारी दिनुभयो ।

प्रकाशित मिति : १२ फाल्गुन २०८०, शनिबार  ११ : ५३ बजे