रुसी सेनाबाट भागेका ४० जना नेपाली जंगलमा अलपत्र, ९४ जनाको मृत्यु

काठमाडौं। राष्ट्रिय स्वतन्त्र पार्टीका सांसद डोलप्रसाद अर्यालले रुसी सेनामा भर्ती भएर भागेर नेपाली दूतावासमा जाने क्रममा जंगलमा अलपत्र परेको भन्दै सरकारको ध्यानाकर्षण गराउनुभएको छ ।

आइतबार बसेको प्रतिनिधिसभा बैठकको शून्य समयमा उहाँले रुसी सेनामा भर्ती भएर भागेर नेपाली दूतावासमा जाने क्रममा उहाँहरु अलपत्र परेकाले कूटनीतिकमार्फत् उहाँहरुको उद्धार गर्न सरकारको ध्यानाकर्षण गराउनुभएको हो ।

साथै उहाँले रुसी सेनामा भर्ती भएका ९४ जना नेपालीको मृत्यु भएको जानकारी दिनुभयो । सांसद अर्यालले रुसी सेनामा भर्ती भएका एक हजार नेपाली घाइते भएका र पाँच हजार नेपाली रुसी सेनामा भर्ती भएको बताउनुभयो ।

उहाँले उक्त तथ्यांक अपुष्ट भन्दै सरकारको ध्यानाकर्षण गराउनुभएको हो ।

प्रकाशित मिति : ६ फाल्गुन २०८०, आइतबार  १२ : ४० बजे