काठमाडौँ । नेकपा एमालेका अध्यक्ष केपी शर्मा ओली र प्रधानमन्त्री पुष्पकमल दाहाल प्रचण्डबीच बालुवाटार भेटवार्ता भएको छ ।
संवैधानिक परिषद् बैठक बोलाउने तयारी भइरहेका बेला अध्यक्ष ओली र प्रधानमन्त्री दाहालबीच भेटवार्ता भएको हो।
आइतबार पनि अध्यक्ष ओलीले प्रचण्डलाई भेटेर संवैधानिक परिषद् बैठक डाँकी प्रधानन्यायाधीश नियुक्तिको प्रक्रिया अगाडि बढाउन दबाब दिनुभएको थियो ।
सर्वोच्चका प्रधानन्यायाधीश हरिकृष्ण कार्की अनिवार्य अवकाशमा जान केही दिन मात्रै बाँकी रहँदा पनि नयाँ नियुक्तिको प्रक्रिया अगाडि बढ्न सकेको छैन । जसका कारण फेरि सर्वोच्च कामूको भरमा चल्ने वातावरण सिर्जना भइरहेको छ ।
प्रकाशित मिति : १५ श्रावण २०८०, सोमबार १० : ४५ बजे
प्रतिक्रिया