काठमाडौं । पछिल्लो २४ घण्टामा नेपालमा ८६७ जनामा कोरोनाभाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पीसीआर र एन्टिजेन विधिबाट ८ हजार २१९ जनामा परिक्षण गर्दा ८६७ जनामा कोरोना संक्रमण देखिएको हो । यस्तै, आज थप १ हजार १२३ जना कोरोना संक्रमणबाट मुक्त भएका छन् ।
हाल देशभर सक्रिय संक्रमितको संख्या १७ हजार ६४२ रहेको छ ।
पछिल्लो २४ घण्टामा संक्रमणबाट थप ९ जनाको मृत्यु भएको छ । नेपालमा कोरोनाबाट ज्यान गुमाउनको कुल संख्या ११ हजार १५७ पुगेको छ ।
प्रकाशित मिति : १६ आश्विन २०७८, शनिबार ४ : २९ बजे
प्रतिक्रिया