काठमाडौँ — गृह मन्त्रालयले विभिन्न अपराधमा सजाय भोगीरहेका ५ सय ३४ जना कैदीलाई बाँकी सजाय मिनाह र ७ जनालाई आममाफी दिन सिफारिस गरेको छ । संविधान दिवसको अवसर पारेर गृह मन्त्रालयले उनीहरुलाई जेलमुक्त गर्न सिफारिस गरेको हो ।
गृह मन्त्रालय स्रोतका अनुसार असल चालचलन भएका र त्यसमध्ये ५० प्रतिशत कैद भुक्तान गरिसकेका ५ सय ३४ कैदीलाई बाँकी सजाय मिनाहाका लागि सिफारिस गरेको हो । त्यस्तै ७ जनालाई आममाफी दिन सिफारिस गरेको छ ।
असोज ३ गते संविधान दिवसको दिन बाँकी सजाय मिनाह र आममाफी पाएका केैदीको विवरण सार्वजनिक गरिने छ ।
प्रकाशित मिति : २९ भाद्र २०७८, मंगलबार ८ : २५ बजे
प्रतिक्रिया