कर्णाली । कर्णाली नदीमा डुंगा दुर्घटनामा परी मृत्यु हुनेको संख्या दुई पुगेको छ । डुंगा दुर्घटनामा परी गम्भीर घाइते भएकी एक युवतीको उपचारको क्रममा मृत्यु भएसँगै मृतकको संख्या दुई पुगेको हो ।
कैलालीको मोहन्याल गाउँपालिका–३ की १९ वर्षीया धनसरा सलामी मगरको उपचारको क्रममा मृत्यु भएको प्रहरीले जनाएको छ । यसअघि कैलालीको मोहन्याल गाउँपालिका–३ की २२ वर्षीया धनसरी सलामीको शव फेला परेको थियो । डुङ्गा दुर्घटना हुँदा तीन जना बेपत्ता छन् । बेपत्ता हुनेमा मोहन्याल गाउँपालिका राँगामलेखा गाउँकी २० वर्षीया उर्मिला सलामीमगरसहित उहाँको दश दिनको शिशु र २० वर्षकै पार्वती थापा रहेका छन् ।
डुङ्गामा १० जना सवार थिए । डुङ्गामा दश जना सवार रहेकोमा पाँच जनाले भने पौडी खेलेर ज्यान जोगाएको बताइएको छ । कर्णाली नदी पारी रहेको सुर्खेत जिल्लाको बिजौरा गाउँतर्फ डुङ्गाचढेर जाने क्रममा नदीमा डुङ्गा पल्टिएर दुर्घटना भएको प्रहरीले जनाएको छ ।
प्रकाशित मिति : १७ श्रावण २०७८, आइतबार ५ : २२ बजे
प्रतिक्रिया